دليل الكتابة
لمنصة متين
متين بتفتح منصتها لأصوات مختلفة بتفكر بجدية بنابلس ومحيطها. هذا الدليل موجّه للأشخاص اللي بحبّوا ينشروا مقالات رأي أو تشخيص.
متين بتفتح منصتها لأصوات مختلفة بتفكر بجدية بنابلس ومحيطها.
هذا الدليل موجّه للأشخاص اللي بحبّوا ينشروا مقالات رأي أو تشخيص على منصة متين.
هو لا يحدد كل ما تعمل عليه متين كمؤسسة، بل يوضح شو بنقبل نشره من مساهمات، شو ما بنقبله، وكيف بتمشي عملية التحرير والنشر.
متين مش عم تدور على كتّاب محترفين. عم ندور على ناس عندها خبرة أو فكر أو ملاحظة حقيقية عن نابلس.
- ✓ الكتابة بنساعدك فيها
- ✓ التحرير بنساعدك فيه
- ✓ الهيكلة بنساعدك فيها
- ✗ الفكرة والتجربة — هاي إلك
المبدأ الأساسي: كل مقالة مساهمة بحوار، مش كلمة أخيرة
متين مش مجلة بتنشر مقالات منفصلة. هي منصة تراكم فهم جدي عن نابلس، خطوة فوق خطوة. كل مقالة هي مساهمة في حوار مفتوح لازم تضيف زاوية واضحة للنقاش.
سمّي ما تغطّيت وما لم تغطِّه
إذا كتبت عن البسطات عالدوار من زاوية البائعين، قل بوضوح إنك لم تغطِّ موقف أصحاب المحالت المجاورة. هذا ليس ضعفاً — هذه دعوة لأصحاب المواضيع الثانية.
اعرض ما عندك بشكل يسمح لغيرك يبني عليه
اذكر الأرقام اللي جمعتها، المنهجية اللي استخدمتها، الافتراضات اللي بدأت منها — كل هاد لازم يكون ظاهر بالنص عشان الكاتب اللي بعدك يقدر يكمل.
لا تدّعي إنك حسمت الموضوع
"هذا ما وجدناه" أقوى من "هذا هو الواقع." الأولى تفتح حوار، الثانية تقفله. متين بتكسب مصداقيتها من تراكم مساهمات أمينة، مش من ادعاءات كبيرة.
نظرة عامة — نوعان من المحتوى
متين تنشر نوعين مختلفين من المقالات. كل نوع له صوت مختلف، ومعايير مختلفة، وموضع مختلف على الموقع.
| المعيار | رأي | تشخيص |
|---|---|---|
| المصدر | تفكير الكاتب وتجربته وحججه | ما رصده أو قاسه في الميدان |
| الضمير | أنا: أعتقد، أرى، في رأيي | ضمير الغائب: وجدنا، الأرقام تقول، قال السكان |
| هل تلزم بيانات؟ | لا: يمكن الاستشهاد ببيانات موجودة | نعم: ولو نقطة بيانات واحدة من الميدان |
| التوقيع | اسم الكاتب: موقف شخصي صريح | متين للأبحاث: مع ذكر اسم المساهم |
| الطول | 600–1200 كلمة | 800–2500 كلمة |
| تصنيف الموقع | رأي | تشخيص |
شو بنعتبره "دليلاً" في متين؟
الدليل مش لازم يكون دراسة أكاديمية أو جدول أرقام كبير. ممكن يكون:
"قمنا برصد البسطات في وسط المدينة."
"يوم الثالثاء، بين 10:00 و12:00 صباحاً، رصدنا 17 بسطة حول دوار الشهداء، منها 11 بسطة بتبيع خضار وفواكه، و6 بسطات بتبيع بضائع موسمية."
مثال — نفس الموضوع، نوعان مختلفان
الموضوع: البسطات عالدوار
البسطات مش فوضى — هي اقتصاد غير رسمي تتجاهله البلدية
دوار الشهداء: 17 بسطة، صفر ترخيص، وتوتر حقيقي
البنية الافتراضية لمقالة التشخيص
هذه مش وصفة إجبارية، لكنها نقطة بداية مفيدة
الواقع كما يُرى
ابدأ من المشهد اللي القارئ بيعرفه. شارع، تقاطع، حي، ظاهرة. بدون تأملات عامة وبدون مقدمات عن المدن. القارئ لازم يكون على الأرض من أول سطر.
نقطة البداية
من وين بدأت؟ من سؤال مفتوح؟ من فرضية محددة؟ من مشروع تخرج؟ كن شفافاً. "لاحظنا إنه الشارع مزدحم وقررنا نقيس" مختلف عن "بدأنا بفرضية إنه النقل العام هو الحل ونزلنا نختبرها." الاثنين مقبولين، التضليل هو اللي مش مقبول.
الأرقام والبيانات قلب المقالة
شو قِيس فعلياً؟ الأرقام نفسها، كيف جُمعت، متى، ومن وين. هاد هو قلب المقالة.
ماذا تعني هذه الأرقام
الأرقام لحالها مش تشخيص. التشخيص هو ربط الرقم بمعنى. "هاد الرقم بيعني إنه الشارع بيشتغل فوق طاقته بنسبة كذا" — خطوة تفسيرية مبنية على الرقم، مش رأي مفروض عليه.
الخيارات الممكنة اختياري
إذا التشخيص بيفتح أكثر من مسار حل، اعرضهم باختصار قبل ما تختار واحد.
الحل المختبر اختياري
إذا اختبرت حل، اعرضه هون مع توضيح ليش هاد تحديداً. الربط بالبيانات ضروري — "البيانات أظهرت إنه X، ولهيك اخترنا نختبر Y."
حدود ما اختُبر
شو ما غطّاه التشخيص؟ شو الأسئلة اللي ضلّت مفتوحة؟ هاي مش ضعف بالمقالة — هاي اللي بيفرق التشخيص الأمين عن الادعاء الواسع.
متى يقترح التشخيص حلاً؟
التشخيص في متين مش وصف للمشكلة فقط. هو محاولة لفهم الواقع بطريقة تساعدنا نعرف شو ممكن نعمل. لكن الحل لازم يطلع من البيانات أو ينسجم معها، مش ينفرض عليها.
بدأت بسؤال مفتوح، جمعت بيانات، وتوصلت لاستنتاج.
بدأت بفرضية حل، جمعت بيانات عشان تختبرها، وعرضت النتائج. هاد منهج علمي معترف فيه.
إذا البيانات تسمح بأكثر من حل
التشخيص الأمين يعرض المسارات قبل ما يختار واحد. عرض مسار واحد بدون ذكر البدائل يحوّل التشخيص إلى دعاية.
الحل لا يجب أن يكون كاملاً
"اختبرنا هذا المسار، هذه نتائجه، هذه حدوده" — أقوى من "هذا هو الحل."
التشخيص بدون حل مقبول
بعض المقالات تكتفي بإظهار المشكلة بوضوح جديد وتترك السؤال مفتوحاً. مقبول بشرط أن يكون التشخيص نفسه قوياً ومبنياً على بيانات حقيقية.
قائمة التحقق قبل التسليم
"الشباب في نابلس بحاجة لفرص أكثر."
"أنا أعتقد أن مشكلة الشباب في نابلس ليست فقط قلة الفرص، بل ضعف الأماكن التي تسمح لهم بتجربة أدوار جدية قبل سوق العمل."
"النقل في نابلس سيئ ويحتاج إلى تنظيم."
"خلال ساعة واحدة عند تقاطع جمال عبد الناصر مع شارع رفيديا، رصدنا 43 توقفاً عشوائياً للمركبات. هذا لا يثبت أن المشكلة كلها من السائقين، لكنه يفتح فرضية أن غياب نقاط توقف واضحة يزيد الفوضى."
شو مننشر؟
عن الحاضر والمستقبل، مقالات بتخص نابلس ومحيطها — المدينة، القرى، المخيمات، المنطقة كلها.
الاقتصاد المحلي
تجارة، زراعة، إيجارات، سوق العمل، ريادة الأعمال، أعمال عائلية
المجتمع
الجيرة، الشباب، التعليم، العادات، التغيير الاجتماعي، الثقافة النابلسية، تقليل الفجوة بين الأجيال
المكان
عمران وتخطيطه، بنية تحتية، نظافة، مواصلات، مساحات عامة، البيئة، الجمال العام
التاريخ
تاريخ نابلس والمنطقة، دروس من الماضي، قصص ما انحكت قبل
السياسة المحلية
بلدية، حوكمة، خدمات، قرارات بتأثر عالناس
ملاحظات شخصية
تجارب حياتية بتوصل لنقطة عن المدينة أو المجتمع
شو ما مننشر
هاي الخطوط الحمراء. مش قابلة للتفاوض.
اللهجة والأسلوب
منصة متين مش مجلة أكاديمية ومش جريدة. احنا بدنا صوتك الحقيقي مش صوت كاتب بحاول يبيّن.
- لغة مباشرة وواضحة اكتب زي ما بتحكي. العامية الفلسطينية مرحب فيها. الفصحى كمان بس بدون تكلّف.
- الصراحة إذا عندك رأي غير شعبي، احسن.
- الاعتراف بالخطأ إذا غلطت بشي أو غيرت رأيك، قولها. هاد مش ضعف.
- أمثلة حقيقية احكي عن اشي شفته أو عشته. القصص الحقيقية أقوى من التنظير.
- تحليل مش بس شكوى الشكوى بدون تحليل متوفرة بكل مكان.
- لغة جمعيات "تمكين، استدامة، بناء قدرات." إذا بتلاقي حالك عم تكتب هيك، معناها انت مش فاهمها كفاية.
- مقدمات طويلة ادخل بالموضوع من أول سطر.
- تعميم بدون دليل "كل النابلسية بعرفوا" أو "الشباب كلهم ضايعين." بدنا دقة أكبر.
اختر صوتاً واحداً وامش عليه
خلط الفصحى بالعامية في نفس المقالة يشتت القارئ ويضعف النص. قبل البدء بالكتابة، اختر:
الشكل والحجم
العملية
من الفكرة للنشر
ابعتلنا فكرتك
جملتين ثلاثة عن شو بدك تحكي وليش. على info@konmateen.com أو حتى رسالة واتساب.
بنرد خلال أسبوع - أسبوعين
إما موافقة، أو ملاحظات، أو اعتذار. بنحاول نكون صريحين بالسبب.
بنساعدك تكتب
إذا عندك الفكرة بس مش واثق من الكتابة، احنا بنقعد معك. بنساعدك بالهيكلة، بالتحرير، وبتحويل أفكارك لمقال. اللي ما منقدر نعمله عنك: التجربة والفكرة والموقف.
بنراجعه سوا
ممكن نطلب تعديلات. مش على رأيك — على الوضوح والدقة والالتزام بالخطوط الحمراء.
بننشره
باسمك الكامل على منصة متين. وبنشاركه على سوشيال ميديا مع اسمك.